• 28 مارس، 2024

رئيس التحرير

ناجي وليم

سهام ميلاد تكتب عن مفاهيم خاطئة عن الرجولة

 

ديما في الأسرة المصرية لما بيبقي عيالهم أولاد وبنات الأم المصرية تعلم البنات أصول شغل البيت وتقولهم علشان تبقوا لشاطرين في بيوتكم وتعرفوا تعملوا كل حاجة وتبقي ست بيت شاطرة وماله جميل
تيجي عند الأولاد تعملهم كل حاجة وتوضبلهم أوضتهم من بعد ماهو رامي فيها كل حاجة ومفيش حاجة في مكانها ودا غير التأمير علي أخواته البنات
مرة أعمليلي شاي أغسليلي القميص والشراب حتي كوياية
الميه يطلبها وهو قاعد مايهونش عليه يهز طوله ويشرب نفسه أو يعمل لنفسه كوباية شاي وغير التزمر علي كل شئ وصوته العالي وأهله يقولك ده راجل
وبتالي لما يجي يتجوز بيبقي
عايز زوجته الوجه الثاني لأمه اللي تدلعه وتعمله كل حاجة وهو
شايف إن ده واجبها وإن دي الجارية اللي اشتراها علشان تريحه حتي لو تعبت لازم تعمل كل طلياته ومفيش حاجة تنقص
وألا تبقي خايبة ومقصرة
وصوته يعلي وتجريس وفضايح
إزاي تقصر في طلياته وشغل البيت زي مايكون مش من حقها تستريح لما تكون تعبانة مفكرها مصنوعة من حديد لازم هي تعمل شغل البيت كله وهو لأ
ليه ( علشان هو راجل ) وحطي تحت علشان هو راجل ألف خط هو. ده مفهوم الرجوله
ده نتاج مفاهيم خاطئة عن الرجولة ومفاهيم خاطئة في تربية الأولاد انتي لو كنتي بتربي أبنك بهذا الأسلوب انتي بتصنعي منه زوج فاشل مايعرفش يعني أيه بيت يعني أيه زوجة يعني أيه مسؤلية
ياريت كل أم تعلم أبنها أنه يكون
مسؤل عن نفسه وتعلميه علي الأقل يوضب أوضته وتعلميه النظام ويعمل كل حاجة بنفسه
وتعلميه يساعدك في شغل البيت
ده مش عيب ولا حرام
علشان في المستقبل يقدر يكون مسؤل عن بيته وعياله ويعرف يشارك زوجته في تربية الأولاد ويهون عنها شوية شغل البيت
أومال يبقي أسمه إزاي شريك حياتها لازم تشاركوا بعض في كل حاجة وتشيلوا مع بعض مسؤلية البيت والعيال وتحسوا ببعض لو حد تعبان يشيل عن التاني الحياة والمسؤولية صعبة
لازم نشلها مع بعض ونتحملها مع بعض علشان تقدروا علي الأستمرار والعطاء ويكون بنكم
محبة وتفاهم وإحترام ورحمة
خلاص راح عصر سي السيد
وياريت نصلح المفاهيم الخاطئة
للرجولة فهي تبدأ من الصغر وتصحيح مفاهيم التربية للأولاد
ليكونوا رجال تعي معني المسؤلية

سهام ميلاد

المقال السابق

الرئيس التونسى وزير المالية أغلق هاتفه وهرب..أين ذهب الكعلي؟

المقال التالي

البابا تواضروس يدعو للحصول على اللقاح للحفاظ على حياتنا

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *