nagi william سهام ميلاد تكتب
ٱرجع بينا يازمن
إرجع بينا يازمن لزمان
زمن أجمل سنين عمرنا زمن الأمان
زمن كنا طايرين فيه بأحلامنا
شايفين الدنيا جميلة و واسعة أدمنا
مش خايفين من بكرة ومش شايلين همه
كان معانا ناس بتحبنا وتخاف علينا وهي اللي بتدبر أمره
كنا شايفين الدنيا سهلة بنضحك ونلعب فيها وبس
كان معانا اللي سندنا ومش مخالينا بقسوة الدنيا نحس
دلوقتي ليه أنا خايفة علي طول
دلوقتي عن حياتي وعن بكرة أنا المسؤل
ولازم أكون أد المسؤلية وأد الهم اللي أتحط عليا
يارب قوني ودبر لي أموري وأخلق
الحكمة فيا
وأعبر بأولادي وأوصلهم لبر الأمان زي ما أهلي عملوا. ليا
هو ده دلوقتي اللي مفروض علينا
زى ماعملوا زمان لينا كل أهالينا
عبروا بينا بأمان مخلوناش نحس بقسوة الدنيا والزمان
وأه من قسوة الزمان الرحمة شوية
إحنا مش قدك
ولا أقولك إرجع بينا يازمن لزمان
