• 28 مارس، 2024

رئيس التحرير

ناجي وليم

طريقة عمل الدجاج كنتاكى

دجاج كنتاكي علي اصوله
واحلي من المطاعم بكتير نضيف ومضمون ودا غير ان الطعم جنان
المقادير
فرخه حوالي من كيلو ونص الي كيلو و٧٠٠
تلات معالق شطه كبير
ولو عايزينها اسبياسي نزود معلقتين تاني شطه
معلقة ملح
معلقه بابريكا كبيره
معلقة فلفل اسود
تلات مكعبات مرقة
الطريقه
كل التوايل نضيفها علي الفراخ بعد ما نغسلها كويس جدا ونقطعها علي ٨قطع ونعمل فتحات فيها عشان تشرب كويس من التوابل
نضيف التوابل دي علي الفراخ ونسيبها حوالي نص ساعه وبعد كده نحطها في كيس من اكياس المطبخ ونضيف عليها حوالي مج ونص ميه وتلات معالق خل ونظبط الملح
ونتركها في الكيس لمدة ٦ساعات داخل التلاجه
القلي
نخرجها من الكيس ونصفي الميه في بوله عشان هنحتاجها
ونجهز عندنا دقيق وعليه تلات معالق نشا وكيس بيكنج بودر وننزل قطع الفراخ فيها
ونقلب كتير جدا في الفراخ عشان تاخد شكل الكرمشه والكرسبي من بره
حوالي عشر مرات ونخرجها وننزل بيها في مية التوابل تاني وبعد كده تاني علي الدقيق علي طول نقلبها حبه وننفضها كويس
وفي زيت غزير ونقليها
بتاخد وقت لحد ماتستوي ١٤دقيقه
وبالف هنا جربوها هتحبوها اوووي

تقرير . مرثا كمال

المقال السابق

الحكومة تعلن عقوبات للموظفين الممتنعين عن تلقي لقاح كورونا

المقال التالي

العلاج بالحب !!

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *