شربل بعيني يكتب .. في نعى وديع الصافي

الذكرى السنوية لرحيل عملاق الطرب الفنان وديع الصافي:

ـ1ـ

قَلْبَكْ صَافِي.. وْصَوْتَكْ صَافِي

أَصْفَى مِنْ شَلاّل الْوادِي

وْمَلْيُون بُلْبُل فَوْق حْفافِي

عِمْلُولَك جَوْقِة رِدّادِي

لَوْ طَبْعِتْ رَسْمَكْ عَ الْعُمْلِه

قدَّامْ إِسْمَكْ بِكْتُبْ جُمْلِه:

حَقَّكْ.. مُشْ رَحْ تُوفِي بْلادي

ـ2ـ

بَدِّي إِرْجَعْ.. بَدِّي إِرْجَعْ..

عَ جْناحْ صَوْتَكْ طفْل

عَ بْلادْ شَوَّهْ ضِحْكِتَا الْمَدْفَعْ

وْشَرَّدْ جَمِيعْ الأَهْلْ

وديع.. كل ما أُوفَكْ بْتِدْمَعْ

بْيِبْكِي الْجَبَلْ والسَّهْلْ