nagi william طريقة عمل لانشون الفراخ من غير اضافات كثير والطعم تحدي
مقادير
حوالي كيلو فراخ ويفضل الدبابيس عشان تستوي كويس ونعرف نفصل اللحم عن العضم والكميه هنا معانا ٧ دبابيس وعليهم معلقة ملح وورق لورا وبصله كبيره
هنسلقهم كويس جدا وبعد كده نفصل اللحم عن العضم ونضيف عليهم معلقة صغيره من الثوم والبصل البودره والفلفل الاسود والبابريكا ونظبط الملح واهم جزء معانا معلقتين جيلاتين نباتي كبيره علي كوب شوربه ساخن جدا عشان يدوب معانا الجيلاتين .
ونخلط الخليط كله في الكبه الفراخ والجزره والبصله والتوابل وكوب الشوربه المدوب فيه الجيلاتين ونخلطه كويس في الكبه او الخلاط لحد مايبقي كريمي ونحطه بعد كده في اي حاجه بلاستيك تدينا شكل اسطواني وندخله التلاجه لمده ليله كامله ونقطعه بعد كده بكل سهوله
طعم بيتي خالي من اي نكهات صناعيه
تقرير . مرثا كمال
