Ramy شهدت منطقة شارع البحري بمحافظة الإسماعيلية، جريمة قتل بشعة، حيث أقدم شاب على ذبح جاره، وقطع رأسه والتجول بها في الشوارع، وسط حالة من الذهول والرعب بين المواطنين .
وتحرك اللواء منصور لاشين ، مدير أمن محافظة الإسماعيلية على الفور، ورجال البحث الجنائي بقسم ثاني الإسماعيلية ، إلى مكان الواقعة، للوقوف على ملابساتها والتحقيق فيما حدث .
أحد شهود العيان قال : أنا كنت واقف في شارع طنطا، وشايف الراجل ماسك كيس أسود فيه راس الراجل وبيجري بيها، وسابها وحطها قدامنا، والمنظر ميسرش لا عدو ولا حبيب، حرام ، اللي زي ده عاوز قتله ويبقى فرجة، ويحطوه ويشنقوه مطرح ما موّت الراجل، ده العدل، الحكومة لازم تجيبه وتحطه في مكان ما قتل الراجل.
وأضاف : المنظر ما حدش يطيقه، أنت لو شوفته مايهونش عليك حتى تبص عليه بعينيك، والكلام ده كان من نحو ساعتين ونص كدة، ولولا الأهالي مكنش حد مسكه، وكما كان ماسك طبنجة كدة لعبة في إيديه.
كما قال شاهد عيان آخر : إحنا لقيناه بيجري بالدماغ وحاططها في كيس، جرينا وراه ووقعناه على الأرض، شديناه من عند كساب لحد شارع طنطا مكان الجثة اللي دبحها، وابن الراجل اللي مات جه ومعملش حاجة، جاتله حالة هيستيرية، والقاتل وهو بيجري كان عمال يقول شرف .
