إيمان عاطف السيسي يتحدث عن 2011 ويوجه رسالة : “أنا لا أخشى أحدا”
تحدث الرئيس عبد الفتاح السيسي، عن أوضاع الدولة المصرية في الماضى ويوجه رسالة قوية، قائلا: “لن انسى عام 2011.. والمفروض يا مصريين ماتنسوش العام ده”.
وتابع السيسي موجها حديثه للمصريين: “كل إجراء وخطوة ماتنسوش العام ده.. اللى أنقذكم ربنا وحده.. وربنا اللي أنقذ البلد دى من مصاير الخراب والدمار.. ولأجل خاطر الـ 100 مليون مصري”.
وأضاف الرئيس المصري، خلال كملته في افتتاح مشروعات قومية جديدة في محافظات الصعيد: “ربنا أنقذ البلد دي علشان البسطاء والغلابة.. لحكمة إلهية ربنا انقذها.. وهل هنكرر نفس المسار تاني.. لا طبعا.. الكلام ده لو هيزعلكم أنا هاجي عليكم.. علشان خايف على البلد.. ماتزعلش إلا على نفسك وأنك ممكن تكون سبب في دمار بلدك وخرابها”
وأوضح: “أنا لا بخاف ولا بيهمني إلا البلد، العمر ده بتاع ربنا والمكان اللي فيه بتاع ربنا”.
كما تحدث الرئيس عبد الفتاح السيسي عن الإدارة الجيدة في المصانع التي يتم افتتاحها قائلا:
“أنا مش هعين حد في المصنع ملهوش لازمة لمجرد إنه قريبي أو صاحبي.. ده خطر كبير”.
كما أضاف السيسي، خلال كلمته أثناء افتتاح أعمال التوسعات والتطوير بمصنع كيما للأسمدة بأسوان:
“الإدارة الجيدة لن تأتي إلا بمشاركة القطاع الخاص، لأنه بيدفع بفلوسه بقى فهيشتغل”.
وتابع الرئيس: “الكلام ده ممكن يزعل مني العاملين في قطاع الأعمال،
لكن أنا بتكلم في مصلحة أكبر من الشركة، أنا بتكلم عن مصلحة بلد”.
وواصل: “بتكلم إن البلد ديه تعيش وتكبر، وإن المواطنين اللي بيعملوا داخل مصنع يعيشوا ويقبضوا،
وتكون المصانع دية أداة في رفاهية المجتمع”.
Tags: أوضاع الدولة المصرية الرئيس السيسى الرئيس عبدالفتاح السيسي السيسي السيسي يتحدث عن 2011 وجه رسالة : "أنا لا أخشى أحدا" يوجه رسالة
