بكرا هنرجع نفرح تاني
والضلمه هيمحيها النور
التعبان من ضيقه بيعاني
هيجدد قلبه المكسور
افتكروا الوعد اللي اتقال
والمكتوب في انجيله
دا حنين ومدبر لاحوال
وشايلنا ف حدقة عينه
مين يقدر غيره يمشيها
ويوصلها لبر امان
مين يقدر غيره يحليها
ويوقف موجة الاحزان
اللي ايمانه حبة خردل
هيشوف منه عجايب
واللي للتوبته لسه مأجل
عن خلاصه غايب
مين زي يسوع وجمالوا
حضن الراحه الابديه
يلا يا متعابين تعالوا
خدوا تذاكر سماويه
..كلمات كيرو المصري
توزيع عماد عزيز
تصوير مارتن لوثر
اخراج كريم عادل..
اداء أميرة عادل
