عندما يذهب الدم الغالي هباء!

سهام ميلاد تكتب / رسالة من السماء
رسالة إلي أبنائى الأحباء
هل دمي راح فداء
أم دمي راح هباء
كان لي حياة في وسطيكم
وكان لي رسالة إني أكون خادم كنيستكم
واعلمكم إزاي تكون إنسان تحب وترحم وتسامح
شاء القدر وبأيد شيطان لقتني في دمي سايح
سفك دمي شيطان لايعرف محبة ولا يعرف يسامح
وبدون عقل وبدون قلب في خلق الله طايح
أصل إحنا حملان يسوع الطيبين الغلابة
عايشين في وسط وحوش وكأننا عايشين في غابة
نتقتل ونتخطف وحقنا فيها ضايع إحنا حملان في وسط غابة
عايشين في وسط وحوش نفسها تفترسك وأسمها ناس
ناس بلا عقول بلا قلوب بلا رحمة ولا إحساس
في ثانية وبدون تفكير ولا رحمة
يقتل إنسان ويقولوا عليه مختل عقليا ياحول الله
وناس تانية فاكرة إن القتل ده جهاد في سبيل الله
دين أيه اللي يقولك إنك تقتل أخوك الإنسان وتسفك دمه
وتقول أن ده جهاد في سبيل الله
أنت لا عندك عقل ولا قلب ولا رحمة ولاتعرف أبدا الله
ولا يمكن أبدا إنك تنتمي لأي دين
من أديان الله
لأن كل أديان الله بتحسك علي المحبة والرحمة
قولي أنت دينك أيه ولا أنت مين
ربنا عمره ما كان ضعيف ومنتظر إنك تقتل إنسان بأسمه
هو إنسان وأنت زيه إنسان مش إله علشان تحاسبه
ربنا بس هو إلهك وهو وحده الديان
خلق الإنسان علشان يعبده ويذكر أسمه في كل. مكان
وقاله باإنسان أنا إلهك أنا ربك أنا خلقتك علشان تعبدني
وبعتلك رسل وأديان تفهمك من هو الله علشان تعرفني
فكن إنسان وكفي فلست إله تحاسب وتقتل وتكفر وتدين
أنت حيوان جامح ليس لك عقل ولا قلب ولا دين
والدين هو الدين المعاملة وكلنا أخوات في الإنسانية
متقولش إنك إنسان وقلبك كله كره معدوم من المحبة ومن المعاني الإنسانية
فيا إنسان
ما هو مفهومك لكلمة إنسان وهل كل الناس يستحقون لقب إنسان
فإنسان ليس مجرد كلمة أو إسم بل معاني وقيم
فالإنسان الحقيقي هو الذي له عقل وقلب
عقل يفكر ويدبر ويبدع
وقلب يحمل كل معاني الحب والإنسانية
أحيانا نقابل شخص للأسف يحمل لقب إنسان وقلبه قلب وحش وعقله دبش مابيفكرش
وأي ڜئ ليه قيمة عنه
فهذا ليس إنسان بل شيطان
فهل للشيطان قلب ليعرف الحب
وهل للشيطان صوت يصل ويمس القلب.
فالشيطان ليس إلا هلاك

هناك حيوانات إرتقوا بمشاعرهم حتي أصبحوا أكثر إنسانية من الإنسان ذاته
وهناك بشروا خسروا إنسانيتهم حتي أصبحوا في مرتبة أقل واشرس من الحيوانات
ومابين الصعود والهبوط ومابين مشاعر إنسانية راقية وآخري حيوانية مضمحلة متخلفة
احتار كثير من البشر وعجزوا عن تحديد مكانهم في مثل هذه الغابة !؟

فأرحمنا يارب من كل شيطان علي الارض في صورة إنسان ونجينا من هلاكه
واعطينا يارب نعمة العقل وقلب يحمل كل معاني الحب
لأكون إنسان

واخيرا كونوا علي يقين يا أبنائي الأحباء
لو كل الناس إضطهادوكم ولو دمنا ضاع هباء
يسوع أعد لنا أحلي مكان عنده ولنا إكليل في السماء