إيمان عاطف إعتزال نهى العمروسي الفن بعد قضية ابنتها الشهيرة
فاجأت نهي العمروسي متابعيها بمنشور عبر حسابها علي موقع التوصل الإجتماعي الفيسبوك بقرار إعتزالها، قائلة: أنا قررت
أدور على مهنة تانية غير الفن، وأظن إن القرار ده جِه متأخر شوية ، لأني كان لازم أفهم من بدري إنّ المهنة دي ممكن
تقهر صاحبها، وأنا مش عايزة أموت مقهورة ومكسورة القلب، نفسي أموت مبسوطة وقلبي مرتاح.
بينما أيد معظم أصدقاء نهى قرارها على عكس ما يحدث دومًا مع زميلاتها نجمات الفن، وأكدوا أنّ الوضع الحالي لا يساعد
على تقديم أي عمل فني جاد، وطالبوها باستثمار “تحويشة العمر” في “بيزنس خاص” يضمن لها حياة كريمة.
كما يذكر أن نهى بعيدة بالفعل عن المشاركة في الأعمال الفنية منذ العام 2016 عندما ظهرت لآخر مرة مع النجمة غادة عبد
الرازق في مسلسل “الخانكة”، ومن أشهر أعمالها “شمس الزناتي”، و”جزيرة الشيطان”، و”حنفي الأبهة” مع عادل إمام، و”حارة
برجوان” مع نبيلة عبيد، و”هستيريا” مع أحمد زكي، ومسلسل “ضمير أبله حكمت” مع فاتن حمامة، وتعطلت مسيرتها
الفنية بعد اتهامها ظلمًا بتعاطي المخدرات، حيث برأها القضاء بعد حبسها.
كيفية تجاوزت نهي العمروسي قضية الفيرمونت
كما كشفت الفنانة نهى العمروسي، عن كيفية تجاوزها لقضية ابنتها الشهيرة، المعروفة إعلاميًا بقضية الفيرمونت، موضحة
كيف خرجت وابنتها من الأزمة.
كما قالت العمروسي خلال لقاء تليفزيوني، ما إذا كانت ترغب ابنتها في دخول مجال الفن والتمثيل، قائلة: نازلي شخصية
مستقلة، وأنا اتربيت على الحرية وأني أختار المهنة اللي أنا عاوزاها، وربيت بنتي كده وهي مش عاوزة تقرب من الوسط نهائي.
بينما تحدثت عن كيفية خروجهما من الأزمة في القضية الشهيرة، قائلة: بمساعدة ربنا وقوته، ربنا اللي بيعطي القوة،
وهي ربنا يكون في عونها كانت في أزمة من قبل أزمة القضية، واستحملت كتير، لكن الحمد لله إحنا أقوياء وعندنا قوة وقدرات
ما نعرفهاش، ولجأنا لربنا سبحانه وتعالى لأنه بيديكي القوة والنور والحكمة.
كما أضافت نهى العمروسي: غلطت في تربية بنتي ومنها غلطات كبيرة ما كنتش قصداها، بالإضافة إلى أن الطريقة اللي
قلت بيها إزاي باباها مات كانت غلط، وأنا مش ندمانة لكني بواجه نفسي وأشوف لو ظلمت أراجع نفسي وأعتذر وأطلب السماح.
بينما تابعت: بلغتها بوفاة والدها بطريقة عبيطة أو بطريقة الأم اللي معندهاش خبرة، وما كنتش قلت لها في الأول
وبعدها بكام شهر كانت عندها أربع سنين، وكانت بتدور تحت الكنب على والدها فقلت لها طلع السما، قعدت تضحك
ضحك السنين، وده مش طبيعي أكيد مش مؤشر صح، فكان لازم أستشير دكتور نفساني لكن ما عملتش كده ومش عاوزة
اقول لا مبالاة علشان ما أكونش يقسى على نفسي، لكن عرفت بعدها أن موته أثر فيها جامد وكانت بتدور عليه في
كل حتة وقالت لي وهي عندها 9 سنين مش مصدقة أنه مات.
