nagi william الوجع
مين قال إن الوجع بيكون
من جراحه أو مشرط دكتور
أو دم سايل ع الهدوم
وجع القلب بيوجع برضه ف العقول
لما الفكره تمسكك من وريد مهزوم
من قسوه وصوت مكتوم
من دمعه مش عارفه تقول
من حكايه حروفها على لسان مجنون
مابيعرفش هو إيه بيقول
لماتعيش بإحساس معدوم
لما نكتب عقد مع الهموم
ساعتها بيبقى الوجع مسموم
عايش جوانا بيتغزل على النول
حاجه على أبوها زى ما المثل بيقول
وهاتفضل ياابن آدم مهما الزمن هايدور
كلمه حزينه بتتكرر علطول
مش عارف مين عن دمعتك مسئول
وﻻ عارف امتى وﻻ إزاى هاتكون
وﻻ قادر تخرج الجن ال جواك مسكون
طول ماانت سايب فكرتك على لسان مجنون
أصل إنت عاشق الدمعه وعايش مع المجهول
أوعاك تفكر الزمن هايطول
لكن هايجى عليك يوم
هاتبكى دم من العيون
على أنك عشت حياتك تخون
عهدك ال جوه ذاتك مدفون
خليك عارف انك المسئول
عن وجعك
ودمعك
وشيل الهموم
