يوسف جميل يكتب كلام في الحب

زى ما بتعبر لشريك حياتك عن حبك بحاجات بتعملها لأجله مهم كمان تعبر عن الحب اللى فى قلبك بكلام تقوله
وبنلاقى فى سفر نشيد الأنشاد كلام الحب *المتبادل* بين العريس وعروسه.
هى بتستنى بشوق تسمع صوت حبيبها ..*نش2 :8 صوت حبيبي هوذا ات طافرا على الجبال قافزا على التلال*
وهو كمان مشتاق يشوفها ويسمع صوتها..*نش2 :14اريني وجهك اسمعيني صوتك لان صوتك لطيف و وجهك جميل*
لو ليك وقت معملتش كدة أو ليكى وقت معملتيش كدة..تقدر تبتدى دلوقت وتملى قلبك بالحب وتختار كلام تعبر بيه

ودى قصيدة كتبتها هحطها فى موضوع بكتبه عن الحب لشريك الحياة👇

*الحب حالة.. بتجعل القلب سعيد..والمشاعر إستحالة.. تكون تمام لو حبيبك كان بعيد..مش بتعرف لما ييجى الليل تنام*..*ولما تنعس بتلاقيه جاى فى المنام..وأبتسامته ليك علامة*

*الحب طعمه يملى يومك أبتسامة..والدنيا تبقى مزهزهة مفيهاش عتامة..ويدى إحساس بالسلام ..إحساس ميوصفوش كلام..من هنا ليوم القيامة*

*الحب يعنى أنتعاش ..كأن حر الصيف مجاش..ولو فى يوم زادت حرارته ..تفتكر سهر الليالى.. والقمر تزيد حلاوته*
*.. وتدى للزعل الطناش*

*الحب إحساس بالدفء.كأنه نسمة مهفهفة ..ولو الشتا زى الجليد ..شعور يلين الحديد*
*كأنه واحد كان مريض..*
*وفجأة لقى نفسه أتشفى*

*الحب مليان باللطافة ..زى ما تكون كلت كشرى ..وبعده قشطة بالكنافة..حبيب تديله كل قلبك.. وقلبه بردو يبقى ملكك..مش مكان ونازل فيه أستضافة*

*يوسف جميل*