nagi william سهام ميلاد تكتب / جملوا حياتكم أيها المتزوجون
سؤال نفسي ألاقى ليه إجابة
ليه لما بتحصل مشكلة ونزعل من
بعض منفتكرش لبعض غير كل حاجة وحشة وننسي كل الحجات الجميلة اللي كانت بنا ، وبدل ما نلم الموضوع
ونصلح نكبر الموضوع ونألف وتوسع منقدرش نلمه ونحكي لكل الناس اللي بيحصل ونبقي واقفين لبعض علي الواحدة ونفتكر كل حاجة وحشة حصلت إن شالله من عشر سنين
بدل ماننسي ونسامح نجمع الوحش كله بأثر رجعي ونقعد نعاتب بالقديم والجديد وشايلين من بعض ومش قادرين ننسي ولا قادرين نسامح
ومش فاكرين لبعض غير كل الوحش بس وطبعا تكتر المشاكل وتوسع بؤرة
الغضب و الكره بينكم ويبقي في إستحالة العشرة بينكم وإستمرار الحياة الزوجية بهذا الشكل المشتعل
ديما وكأنكم أصبحتم أعداء ونسيتوا كل المشاعر الجميلة اللي بينكم حتي نسيتوا إنكم عايشين تحت سقف واحد أكلتم في طبق واحد
نسيتوا العشرة والعيش والملح
هيبقي فاضل أيه تستمر بيه حياتكم الزوجية
ليه ما نحلش المشاكل أول بأول
ليه نشيل من بعض ومانقولش اللي مزعلنا ونصفي القلوب ولو حد سألك مالك زعلان من أيه تقول مفيش
أتكلم قول اللي مزعلك ماتكتمش زعلك وتحوشه ولما يفيض بيك تبقى بركان ثائر مش قادر تتحمل تانى
ليه نشيل من بعض وتوصل إننا مش طايقين بعض ليه نوصل نفسنا للمرحلة دي واحنا عارفين ومتأكدين إن مافيش طلاق ماينفعش فراق
وليه نعيش مع بعض متغصبين علي بعض عصريين علي نفسنا لمونة علشان خاطر العيال
طب ليه مانجربش نجمل حياتنا وتبقي حياتنا هادئة منغير مشاكل منغير توتر ويبقي البيت مصدر راحة
مش مصدر إزعاج وتوتر
ليه مانفتكرش إننا متجوزين عن حب
محدش غصب عليك أو عليكي في الجواز وان كان بنا مشاعر جميلة وعشنا مع بعض أوقات جميلة
ليه ننسي كل الحجات الجميلة دي
ونفتكر لبعض الحجات الوحشة بس
ليه ما تقعدش مع زوجتك قاعدة تصالح و صفاء بكل محبة تقول اللي مضايقك منها وهى تقول اللى مضايقها منك بكل صراحة
وتوعدوا بعض إنها ماتتكررش وكل واحد يصلح عيوبه عشان حياتكم الزوجية تستمر بهدوء ومحبة
عشان ماتتعبوش جسديا ونفسيا
وعشان كتر مشاكلكم بتنعكس بصورة سلبية علي أولادكم
ياريت تينهوا الحروب المستمرة بينكم
أيها المتزوجون صفوا قلوبكم
وجملوا حياتكم بمحبة وتفاهم وإحترام
وتذكروا دئما إنكما ليس أثنين
بل جسد واحد
