nagi william سهام ميلاد تكتب / يا فرحة قلبى
يا فرحة قلبى اشكرك يارب رجعتلى ابنى
رجعت ليا روحى رجع ليا نور عينية
ابنى حبيبى وأغلى حاجة ليا
خدوك ياحبيبى من حضنى
و رموك فى غابة كلها وحوش
لابسين للبنى آدمين وشوش
كنت فى وسطيهم هتضيع
وأنت لسة عود أخضر وحمل وديع
وحوش فى صورة بنى آدمين
اتجمعوا عليك كله بينهش فيك ده يرضى مين
وأنت مش فاهم ولا عارف أيه اللى بيحصل ودول يبقوا مين
عشان انت مش عارف غير حضن أمك وأبوك
من حضنهم خطفوك ولعالم كله غدر ودوك
وقلوبنا عليك ياحبيبى إتقهرت
و دموعنا نزلة سيول كأنها براكين وإنفجرت
وبقينا مش عارفين نروح فين ونشكى لمين
عشان نقدر نشوفك ياروحى وقلبى ونور العين
لكن بفضل ربى وبفضل كل الناس الطيبين
رجعت ليا يا أبنى وهتفضل ديما فى حضنى طول السنين
برجوعك فرح قلبى وفرحوا بيك كل الناس الطيبين
يوم رجوعك لحضنى ياشنودة عيد وفرحة كبيرة ليا ولكل اللى وقفوا جانبى نشكرعليها رب العالمين
