عندما تصبح النهاية متوقعة

عندما تصبح النهاية متوقعة

نهاية رشيد و الحلقة الاخيرة ،، رشيد نهايته كانت محتاجة تبقي اشد .. يعني مع حبي الشديد لمحمد ممدوح و ريهام عبدالغفور الا اني كنت متوقعة النهاية و اغلب المتابعين توقعوا معايا .. احنا حتي عرفنا ان ريهام عبدالغفور معاهم من الاول ..

الحقيقة ان حتي لو كنت متوقعين النهاية ، كنت محتاجة اشوفه هو بينتقم .. اصل دول ظلموك يا باشا يعني هزقهم حتي .. لية يا رشيد كنت طيب و مثالي اوي كدة ؟ كل الظروف دي مغيرتش فيك حاجة ؟

انا عجبتني اللحظة الاخيرة و هما فرحانين في المركب و ابنه سيف فرحان في خطوبته ‘ بالمناسبة اللي قام بدور سيف هو اخو احمد مالك ‘ و مثل الدور حلو و الخط التمثيلي بتاعه كان اكثرهم تشويق و اقناع ‘ رغم ان بردو كان في نهاية مفتوحة او مكنش ليها لازمة من الاساس زي البنات اللي بيتجوزها و تجارة الاعضاء ..

المسلسل حلو بس كان في نقط كتير مش مفهومة بالنسبة ليا و كان في فرصة بدل ما كنا بناخد ٢٥ دقيقة في الحلقة Flash back و ذكريات .. كان ممكن نزود حلقات الانتقام و النهاية بدل ما كلها في حلقة واحدة كنا فردنا الانتقام و اكتشاف ان صلاح خاين و كل التفاصيل دي ..

انا بس لو رشيد كان انسان عادي مش مسلسل فا انا فرحتله انه لقي النهاية الكويسة و ابنه في حضنه .. و شكرا للفنانة الجميلة ميمي جمال ????

زيزى فواد