nagi william مرثا بولس تكتب عن الحب المفقود
طمنى على كتفك ياابويا
ده مكانى راحتى انا واخويا
يااللى ديما شايلنا بهمومنا
ووسط تعبك مابتشتكيش
طمنى وقولى انك بخير
علشان تعبك ياابويا كبير
لا بتنام ذينا ولا بتشبع راحه
علشان توفرلنا لقمه العيش
طمنى وقولى انك متحمل
ورغم همومك وحدك بتكمل
تقولى يابنى انا مش وحدى
ربنا ساندنى مبينسانيش
طمنى على قلبك وطيبته
لما اكون انا سبب وجيعته
بتمردى عليك وعصيانى
الاقيك رغم زعلك مبتزعلنيش
وحشنى كتفك وأنت رافعنى
فوق الدنيا بحنان حاضنى
أجرى عليك كده واتخبى
تضمنى بحنان مبتكسفنيش
يعيش يابويا كتفك الشيال
اللى علشانا بتشيل أحمال
وربنا يرحم اللى فارقنا
مهما طال الفراق مبيتنسيش
تحيه لكل أب شقيان
ورحمه لكل أب فارق الحياه
مرثا بولس
