ماجد مفرح مفارقات فى حياة فنان.. شوف نور الشريف حصل معاه إيه..
كتبت.. زيزيت فؤاد
من المفارقات اللي حصلت في حياة نور الشريف إن أول مرة شاف فيها حبيبة العمر بوسي كانت في الحلقة ال ١١ من مسلسل “القاهرة والناس” .. لقي إنها هتعمل معاه دور في الحلقة .. لما دخلت مكانش حد من المساعدين موجود ف راحلها وإداها الإسكريبت وهي كانت مستغربة ازاي بيتطوع بدة ولاحظت كمان إنه بيبصلها كتير وبعدين يضحك معاها
حصل تقارب في علاقتهم ولما خد أول أجر في حياته ١٥٠ جنيه في فيلم “قصر الشوق” خصص ل بوسي تلت الأجر ٤٥ جنيه وإشترالها جزمة مستوردة وشنطة ..
الدتها عرفت وأجبرتها علي قطع علاقتها بنور فحاولت الإنتحار وأنقذتها أختها نورا فحست الأم إن الموضوع مش هيعدي بسهولة زي ما هما فاكرين
أتقدملها عرسان كتير منهم مليونير شاب بس كان جوابها دايما الرفض تمسكا ب نور ..كانت علاقتهم في السر بس حصل موقف خلي العلاقة تتوتر وكانت ذلة لسان من نور .. قال إنه هيكون أسعد حظا لو إنه إرتبط ب بوسي لفترة قبل ما يتقدم لها رسمي .. فغضب أهلها وأقسموا إنهم مش هيوافقوا عليه إطلاقا .
بعدوا عن بعض هو و بوسي تاني لكن دي مكانتش نهاية القصة .. دخل نور في مرحلة من الضياع وإنتقل من شقة عمته لفندق عمر الخيام .. بيحكي مرة إنه في السنة اللي إنفصل فيها عن بوسي دفع ٢٤ الف جنيه لفندق عمر الخيام من السهرات اللي كان بيعملها ومن القعدات اللي فيها وبدأ في الفترة دي إد.مان الحبوب المخد.رة ..
علي الجانب التاني إتقدم لبوسي شاب ووافقت عليه بس والدتها نصحتها بأن إصرار نور عليها بعد كل العلاقات اللي دخلها وحرصه إن هو يرجعلها معناها إنه جاد في حبه ليها .. فإعتذرت بوسي للشاب اللي إتقدملها ..
ولأول مرة إتقدم نور لبوسي رسميا ، الأم كانت متعاطفة معاه لكن الأب مكانش طايقه ولا مستريح له وعلشان كدة بالغ في طلب قيمة المهر علشان يضمن إنه يطفش نور لأنه عارف إن ظروفه المادية لم تكن جيده ..
لكن نور متراجعش ووافق علي المهر وعلي طلب الشقة وعلي المؤخر اللي كان ١٠ الآف جنيه ودة وقتها كان رقم كبير .. وكمان علي شرط الأب بأن بوسي تكمل تعليم جامعي في كلية التجارة فوافق نور وقاله من حقها تشتغل بعد التخرج قاله طبعا قاله مش من حقك تاخد فلوسها ولا مرتبها قاله طبعا ، وإتجوزوا في ٢٨ أغسطس ..
وكانت حاجة غريبة جدا إنهم في يوم الجواز إضطروا يبيعوا خاتم الخطوبة علشان يسددوا الضريبة اللي كانت بتتاخد علي مؤخر الصداق .. وبما إن المؤخر كان كبير فالضريبة كانت كبيرة وأصدقائه هما اللي كملوا له المبلغ علشان يدفع مصاريف الفرح ، وراح يقضي شهر العسل وهو مفيش معاه غير ١٥ جنيه ومش عارف ازاي هيدفع مصاريف الأوتيل بس لحسن الحظ فيه منتج جاله إتعاقد معاه ودفعله عربون الف جنيه ودفع لبوسي ٥٠٠ جنيه
كملوا الطريق مع بعض لغاية ما عملوا شركة الإنتاج اللي عمل فيها أول أفلامه “دائرة الإنتقام” وللحكاية بقية…….
