يوستينا ألفي مصطفى بكري: تعويض المستأجرين بجرامات ذهب
كتبت / يوستينا ألفي
طرح النائب والإعلامي مصطفى بكري، خلال برنامجه “حقائق وأسرار” على قناة “صدى البلد”، فكرة مثيرة للجدل لحل أزمة الإيجار القديم.
بكري اقترح أن يتم تعويض المستأجرين عن “خلو الرجل” الذي دفعوه قديمًا، بسعر الذهب الحالي، بهدف تحقيق العدالة بينهم وبين الملاك.
وأوضح أن كثير من المستأجرين دفعوا مبالغ كبيرة في الستينيات والسبعينيات، لكنها أصبحت لا تساوي شيئًا اليوم، رغم أنهم ما زالوا مقيمين في نفس العقارات بإيجارات زهيدة.
أمثلة ذكرها بكري:
اللي دفع 300 جنيه خلو في الستينيات، وقتها كان جرام الذهب بـ1 جنيه → يعني دفع ما يساوي 300 جرام ذهب.
بالسعر الحالي = حوالي 1.4 مليون جنيه.
اللي دفع 3000 جنيه في السبعينيات، وكان الذهب وقتها بـ8 جنيهات → يعني 375 جرام ذهب.
دلوقتي = حوالي 1.7 مليون جنيه.
وفي التمانينات، اللي دفع 15 ألف جنيه وقت ما الجرام كان بـ28 جنيه → يعادل 535 جرام ذهب.
حاليًا = حوالي 2.5 مليون جنيه.
بكري أكد إن الهدف مش ظلم المالك ولا المستأجر، لكن الوصول لحل وسط يُرضي الطرفين، ويعوض الناس اللي دفعت خلو زمان، ويفتح المجال لأصحاب العقارات إنهم يستفيدوا بشكل عادل برضه.
واختتم بكري كلامه وقال: “لا المستأجر غلطان في التضخم اللي حصل، ولا المالك غلطان إنه شايف إن إيجار شقته بقى قليل.. فلازم نفكر فيحل عادل للطرفين.”
