ماجد مفرح خواطر : الحب كلام معسول ولا حقيقة أفعال …
مرعبة فكرة تمثيل الناس الحب عليك
اصبحنا في عالم تمثيل الحب وسهل اووي وبإتقان .
وفجأة تكتشف أن الناس جواها حاجات كتير تخض وترعب اللي جوة الناس بقي يخوف
أوعي تنخدع بالكلام المعسول ???? اصل الحب أفعال مش كلام
الكلام سهل والأفعال صعبة علي أصحاب التمثيل ،
فجأة تلاقي الكلام اللي كله حب مش لايق علي الأفعال .
الأفعال أظهرت حقيقة الكلام.
أظهرت اللي جوة الناس
سؤال شغلني ليه الناس بقت تحقد وتكره وتمثل وكله بيجري علي مصالحه وبس مش مهم هيدوس علي مين في سكته مش مهم هياذي مين .
ليه الناس مبقتش سند لبعض .
ليه الناس اتنزعت الرحمة من قلوبهم .
ليه ناس بتدور تخرب على قد ما تصلح .
ليه الناس بقت تفرح لألم غيرها .
ليه القسوة والظلم هو اللي سايد .
لو لقيت ناس بتعرف تحب اللي حواليها متستغربش إعرف ان الناس دي لسه محتفظة بنقائها وبخوف ربنا جوة قلوبها
لو لقيت ناس تحبك بجد بأفعالهم امسك فيهم ، حافظ عليهم .
أصل الحب أصبح عملة نادرة في عالمنا.
اعتقد لو ربنا في القلوب كان كل حاجة اتغيرت سود علي القلوب يارب وغيرها .
✍️ خواطر /يوستينا ألفى
