Ramy حذر الرئيس عبدالفتاح السيسي، من تدمير الدول، الأمر الذي يحول الشعوب إلى لاجئين، موضحًا: تصوروا دولة فيها 16 مليون لاجئ بينهم 2 مليون في الأردن، و2 مليون في لبنان، وزيهم في تركيا وجوة معسكرات لاجئين لحوالي 10 مليون، ومنذ عشر سنوات والولد اللي كان عنده 6 سنين أصبح 16، يا ترى الأمة دي هتبقى عاملة إزاي وهتطلع لنا إية! أنا بتكلم بحب شديد لأني عايز البلد قد الدنيا بكل المعايير والقيم.. والله أعلم بما في نفسي.
وأضاف الرئيس السيسي في كلمة خلال فعاليات إطلاق الاستراتيجية الوطنية لحقوق الإنسان، خلال حفل إطلاق الاستراتيجية الوطنية لحقوق الإنسان، في العاصمة الإدارية، اليوم السبت: في معسكر في إحدى الدول بياخدوا الأولاد الصغيرين يجوزهم عشان يطلعوا قتلة وأدوات قتل في المجتمعات.
وتابع الرئيس: يا ترى اللي كان بينظر للدولة دي في 2010 كان هدفه تشكيل أجيال من الإرهابيين والمتطرفين يخربوا في المنطقة لمدة 50 أو 60 سنة جايين! أنت عارف لما مقدرات دولة تتحط في نشر الفكر في المحيط بتاعها هيحصل إية! ده خطير جدًا، وهذا الموضوع مهم، وأنا كإنسان في كل ما أطرحه أكون صادق فيه
