Ramy اول مكالمة بالنص مع نيافة الأنبا كاراس للإتفاق علي عمل لقاء
صمم سيدنا قبل المكالمة ان نيافته هو اللي يطلبني دولي مش انا , رن التليفون من رقم غريب فلقيت حد بيقولي كاراس معاكي يا غاليه
بصيت في التليفون عشان شكيت وقلت اشوف مين النمرة دي وأتأكد مين اللي بيطلبني!
فقلت ده غالبا ده سكرتير سيدنا
رديت وقلت هل ممكن بعد اذنك اكلم نيافة الأنبا كاراس
رد سيدنا وعاد الكلمة وقال خدامك كاراس معاكي يا غالية
اهلا سيدنا ميرسي جدا علي تعب محبة نيافتك
نفسي جدا اخد بركتك وتكون معايا في لقاء
سيدنا: اخد بركة ومستهلش بس ايه اللي لم امريكا علي المحلة
رديت وقلت حقيقي كلنا بنحب نيافتك وبنتأثر جدا بعظاتك
سيدنا: بتتأثروا بيا انا الحقير اللي مش بيعرف يقول كلمتين علي بعض وبيطلع برة الموضوع ويشت
سيدنا: طيب خدامك تحبي نتكلم في اي موضوع
هقول لنيافتك الموضوع بس تسمحلي عندي سؤال الأول لنيافتك
ليه كل عظاتك سيدنا او معظمها عن السماء والأبدية ؟؟
سيدنا: ماهو يا بنتي مفيش حاجه ممكن نتكلم فيها غير ابديتنا والحياة مع المسيح
ما هو انتي شايفة ظروف كورونا اهو وانذار ربنا لينا كلنا
مفيش حاجه تانية ينفع تشغلنا غير الأبدية, خلاص الوقت قرب جدا
حضري بس النقط وابعتيها عشان انا علي طول بخرج وبشت بعيد في العظة
خلاص يا سيدنا ميرسي جدا علي محبة نيافتك
وانشاء الله نيافتك تيجي أمريكا قريب وتفرحنا وتباركنا
سيدنا : امريكا بتقولي امريكا استحاله اجي واستحالة اسيب مصر
ليه بس يا سيدنا
سيدنا: انا مش ممكن اطلع بره مصر لدرجة اني رافض اعمل الباسبور خالص
معقول نيافتك معندكش باسبور!! بس بردة الباسبور مهم جدا
قالي يابنتي مفيش أهم من باسبور السما وفيزا الأبدية
هما دول اغلي حاجه في حياتنا
وداعا صاحب القلب المتواضع والوديع
كلامك و عظاتك ستظلان دائما في عقلي وقلبي
اصلها مش كيمياء ولا معادله صعبة
هو أتضع جدا ……..فسحر الجميع بتواضعه فرفعوه
هو احب الجميع من قلبه ………………..فالجميع أحبه
تعامل مع الكل بروح الأبوة الحقيقة……فشعر الجميع بصدق أبوته فكسب قلوبهم
تكلم مع الجميع بصدق ………………فصدقه الناس
صنع سلام مع الكل ………….فحل السلام والنعمة علي وجهه
جينا حنا : مذيعة ومعدة برامج بقناة لوجوس ” قناة الكنيسة الأرثوذكسية بالمهجر “
