nagi william في يوم صحينا علي أجمل خبر سمعناه
قواتنا المسلحة عبرت القناه
سمعت زغاريد وفرحة غامرة والكل
بيهتف بسم الله
كنت صغيرة ولقيت العالم كله إنبهر
بالخير العظيم ده بس أنا مش فهماه
سألت والدي أيه اللي حصل ويعني أيه قواتنا المسلحة عبرت القناه
قالي والدي يعني إنتصارنا وإستردينا أرض بلدنا من الغزاه
اللي كانوا فاكرين إن إحنا عليهم مش هنقدر
كانوا عاملين نفسهم إنهم إسطورة الجيش اللا يقهر
هزمناهم في ستة ساعات فقط بقوة أسم الله أكبر
إحنا يابنتي عندنا جيش بيحب بلده وعلشانها يفديها بدمه
واجهوا وحاربوا أعداءنا زي الوحوش وحتي الموت مش همه
كل اللي يهمه يحرر أرض بلده من أعداء أوغاد
فاكرين نفسهم أسطورة هزمهم جيشنا وفهمهم درس إن مصر غير كل البلاد
مصر قوية عظيمة منذ القدم يتوارث أمجادها من أقوي وأعظم ملوك أجداد
مصر ديما قوية بشعبها وجيشها مصر ديما بتبني أمجاد
ده مش بس نصر يابنتي ده درس وفهمته كل الدنيا
إن مصر ديما قوية وعظيمة
وهتفضل ديما مصر أم الدنيا
في كل زمن ومن زمان مصر أقوي وأعظم البلدان
تحيا مصر. تحيا مصر. تحيا مصر
سهام ميلاد
