أحمد علام ميدو يهاجم كوكا
سادت حالة من التراشق بالألفاظ بين أحمد حسام “ميدو” واللاعب أحمد حسن “كوكا” مهاجم منتخب مصر. والمُحترف في صفوف فريق كونيا سبور التركي. “ميدو” وصف كوكا بأنه لا يصلح للعب مع المنتخب الوطني.
كيروش يستبعد كوكا
وذلك بعد استبعاد البرتغالي كارلوس كيروش. له من قائمة الفراعنة التي ستشارك في كأس الأمم الإفريقية 2021. أحمد حسن كوكا رد على انتقادات أحمد حسام ميدو نجم مصر السابق ومقدم برنامج “ريمونتادا” على قناة “المحور”. وقال ميدو إن كوكا مهاجم متواضع لا يصلح للمستوى الدولي .
كوكا يرد على ميدو
التغريدة الأولى وجاء هذا القول من جانب ميدو رداً على تغريدة على موقع التواصل الاجتماعى وكتب صاحب التغريدة: «في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه الـ٩٩ في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة..
كل التحية لمسيرته”. ميدو: كوكا مهاجم متواضع تعليق “ميدو” أثار استياء كوكا حيث رد قائلا: “مهاجم متواضع؟ أولًا هو أنت أصلا مين طلب رأيك؟. ثانيًا إنت مبطل كورة وإنت عندك ٢٩ سنة وكل الناس عارفة ليه.. ثالثًا لو رقم الأهداف اللي أنا جايبه شايفه قليل ماجبتوش إنت ليه؟، مع إن اللي بيلعب في نادي أكبر فرصه بتكون أكتر في التسجيل؛ رابعًا حاولت تبقي مدرب ومبتكملش شهر في أي نادي”.
وتابع: “خامسًا بتحاول تبقي إعلامي وتتكلم عن ده وده عشان تبقي تريند بأي شكل. أي حاجه عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وإنت بتتكلم وحش عني”.
كوكا اختتم: “أنا عارف إن أكبر غلط إني أرد عليك وإنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجة من الناس بعد ما أبطل كورة وبعد لما أموت غير السيرة الحلوة”. استمرار التراشق وتواصل التراشق بين الثنائي ورد ميدو على كوكا، وهاجم مهاجم أولمبياكوس السابق
وقال: “عمري ما روحت المنتخب علشان مناسب حد مهم.. انت عارف كويس انت كنت بتروح المنتخب لسه.. رد في الملعب حاول تروح المنتخب.. انت لاعيب تعبان وكل مؤهلاتك نسبك وانت عارف كويس”. وأضاف، “عمري ما لعبت في دوريات الالاضيش اللي انت بتلعب فيها.. يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه”.
