• 15 أغسطس، 2022

رئيس التحرير

ناجي وليم

زمن حصاد الموت

 

كلنا عارفين إن الحصاد للمحاصيل وزرع المزارعين
لكن للأسف إحنا في زمن حصاد أرواح البني آدمين
كل يوم نسمع مات فلان وفلان باتري بكرة الدور علي مين
عايشين في الدنيا وبقينا خايفين
علي أرواحنا وأرواح اللي منا قريبين
وبنسأل هو الموت هيجي يخدنا ولا هيسبنا شوية عايشين
ولو سبنا إحنا عايشين طيب ياتري هياخد مين
ومبقاش بنا كلام غير نعزي فلان ونعزي فلان
وكل الناس تقريبا بقت حزينة كئيبة مبقاش حد فرحان
وكل الفيس وكل الأخبار عن وصلت نسبة الوفيات لكام
الدنيا مبقاش فيها أحداث غير الأمراض الغريبة والحروب
مكانتش ناقصة ياعم بوتن الحرب علي أوكرانيا
دا الموت كل يوم بيحصد أرواح البني آدمين في ثانية
يعني مش ناقصة حروب
دى قلوب الناس من الحزن بتدوب
والله مش فاهمين هو الغلط فين
الغلط فينا ولا في الدنيا ولا ده عقاب من رب العالمين
طب هنعمل أيه والحل أيه لازم نصلي ونقرب من ربنا
ونطلب منه يغفر ويعفي عننا
ويبعد عنا الفيروسات والأمراض والحروب
ونصلي لربنا ونحب بعضنا ونصفي القلوب
لازم نصلي ونقرب من ربنا قبل ما الوقت. يفوت
لحسن دا إحنا وصلنا لزمن
زمن حصاد. الموت

سهام ميلاد

 

المقال السابق

الحالة الصحية لـ محمد عبدالرحمن «توتا» بعد عملية قلب مفتوح

المقال التالي

السفير المصري في طوكيو يستقبل المدير التنفيذي لشركة Nippon Signal

اترك تعليق

لن يتم نشر عنوان بريدك الإلكتروني.