• 26 سبتمبر، 2022

رئيس التحرير

ناجي وليم

نهاد أبوالقمصان تكشف حقيقة تصريحاتها بشأن أن السيدة غير ملزمة بالرضاعة

نهاد أبوالقمصان تكشف حقيقة تصريحاتها بشأن أن السيدة غير ملزمة بالرضاعة
أثارت المحامية نهاد أبوالقمصان، عضو المجلس القومي لحقوق الإنسان، موجة من الانتقادات عبر منصات السوشيال
ميديا، بسبب تصريحاتها بشأن أن السيدة غير ملزمة بالرضاعة.
بينما أوضحت نهاد، في بيان لها عبر حسابها الرسمي على موقع «فيس بوك»: «توضيح لازم لحبايبى والمثقفين
المحترمين، كل الأخبار الخايبة (مش ملزمة) كلها مفبركة من أول خبر غير ملزمة بالرضاعة لأنه جزء مقطوع من حوار
اتكلمت فيه عن نوعين جواز: الإنساني؛ المبنى على الحب والشراكة.. والاستهلاكى، المبنى على كل واحد له إيه
لكن طول الوقت ينقوا على الستات بس ويسيبوا أحكام تانية».

كما كشفت في بيانها رأيها في الأمر، وقالت: «الست تتعلم وتشتغل وما تقبلش الإهانة، وتاخد كل قرارات حياتها
بنفسها. تتجوز إمتى وتخلف إمتى وتكمل في علاقة مع حد بيحترمها ويقف جنبها ومتقبلش إهانة ولو بالكلمة».
بينما عن اقتطاع حديثها بشأن الرضاعة وعدم إلزامية الأم، قالت: «قطعوا الكلام وفبركوا الخبر ورديت عليه إن دا كلام
ربنا وتفسير الأئمة مش كلامى أصلا.. اقروا القرآن ورأي الأئمة وحتى الأزهر رد
وقال أيوه دا رأى الإمام أبو حنيفة بس بعد الطلاق ليه دا كله ؟!!!».
كما تابعت: «علشان أول مرة يلاقوا حد دارس شريعة وقانون وبيعرف ينقى زيهم من النصوص ويرد عليهم لما يرهبوا
الستات بكلام مقطوع وكأنه أحكام مطلقة.. فهمتوا.. لكن أجمل ما فى الموضوع إن بقالنا سنين نسمع الست
ملزمة.. أول ما اتقال مش ملزمة واحدة انفجرت الدنيا عن كلام عظيم عن تقدير الأم وقيمة الأسرة والمودة والرحمة والحب وبلاش ننتقى اللى يعمل مشاكل تمام وزى الفل».
بينما ختمت رسالتها قائلة إن الحديث موجود بلكامل عبر موقع اليوتيوب وخاصة عبر قناة القاهرة والناس،
وقالت: «للتوضيح للى بيفهموا ويهمونى.. أما اللجان الإلكترونية رغم قلة الأدب، شكرا علشان بتزود المشاهدات».

 

 

 

المقال السابق

نياحة الأنبا إيساك الأسقف العام القديس مكاريوس السكندرى

المقال التالي

لعمامرة يسلم السيسي رسالة خطية بقصر الاتحادية

اترك تعليق

لن يتم نشر عنوان بريدك الإلكتروني.