nagi william يوميات شيرين صفوت
هفضل احبك
“أَحْبَبْتُكُمْ، قَالَ الرَّبُّ” (سفر ملاخي 1: 2) .. انت ياللى بتقول محدش بيحبنى ولا مهتم بيا 😀 تعالى اقولك كلمتين وركز فيهم كويس اوى 👌 الآيه اللى فوق دى ارجع اقراها تانى كدا .. تمام 😊 ايه رأيك بأه فى الكلام دا ؟ ربنا بنفسه كدا قالك انه بيحبك .. ومش بس مره ولا اتنين دا كلمة أحببتكم دى اتقالت كتيييير جدا جدا فى الكتاب المقدس 😍 انت متخيل ربنا بيحبك اد ايه ؟ دا مش بس بالكلام دا عمل كل حاجه واستحمل حاجات كتير اوووى علشانك وعلشان بيحبك اوى اكتر من أى حاجه فى الدنيا .. مش مكفيك ربنا بنفسه بيحبك ؟ 😮 مش مكفيك ربنا بنفسه بيهتم بيك ؟ حتى لو كل العالم سابك هو مش هيسيبك لحظه وهيفضل يحبك.. بس انت اديله قلبك♡
مكالمة تليفون
الحياة بتتغير بمكالمة تليفون .. بنتيجة تحاليل ..بكلمة واحدة من دكتور بعد كشف … بتعدية شارع .. بخطوة غلط ف الشارع .. بمقابلة شخص .. بخبطة عبيطة … بكلمة بايخة او قاسية من شخص .. بموقف أهبل ف لحظة !!
الحياة كلها بتتشقلب في لحظة …
لحظة بس كفيلة إنها تلففك حوالين نفسك مهما كنت مخطط ومرتب و مأمن!
لحظة واحدة كفيلة تجيبك الأرض ف عز جبروتك!!
الحياة كل يوم بتعلن إن مفيش ضمان فيها غير “ربنا” !!
الحياة كل يوم بتثبت و بقوة إن “تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ”🙏🏻❤️
الدنيا مسرح
الدنيا اصبحت 😟مسرح علي راي يوسف وهبي اللي ينزل علي الفيس 😟ويقول حب عمري ويرجع البيت مش طايق يشوف وشها😟 واللي حد مات عنده يقول انا مش عارف اعيش منغيرك وهو راح اتجوز وعاش 😟واللي يقول كلام علي الصيام وهو اصلا مش صايم🤣 واللي يدين غيره وهو اصل الادانه 😟مسرح وتمثيل واختفي زمن fact⁉️
