nagi william ملامحه هادية زي طباعه.. خطواته من وقت ما بدأ تمثيل محسوبة بالمللي.. مافيش دور بيعمله إلا وهو عارف إنه طوبة بيحطها في بناء تاريخه الفني.
لا عمره شغل باله بترند ولا فرض نفسه بالدراع زي كتير من نجوم جيله.
نقدر نقول بضمير مرتاح إن ياسر جلال وصل لذروة إبداعه الفني السنة دي في مسلسل “علاقة مشروعة” واللي لو ركزت في إحصائيات مشاهداته على مواقع التواصل هتعرف أد إيه إنه الحصان الأسود في دراما رمضان.
المسلسل بنشوف فيه نوع من العلاقات الإنسانية المعقدة جدًا واللي صعب تتقدم على الشاشة بالرقي وعدم الابتذال اللي بيعمله ياسر “عمرو” مع مي عٌمر “بثينة” وداليا مصطفى “عليا”.
ويمكن اللي خلى الناس تحبه إن بيقدم نوع الدراما اللي جذبنا في المسلسلات التركية والهندية السنين اللي فاتت، وبالفٌم المليان نقدر نقول إن بقى عندنا دراما تنافسهم بل وتتفوق عليهم كمان..
شكرًا ياسر جلال والمؤلفة الكبيرة سماح الحريري والمخرج المبدع صاحب الصورة النضيفة خالد مرعي❤️
زيزت فوائد
