nagi william عمله نادره يفقد قيمته الادبية
مسلسل عملة نادرة بصراحة دون المستوي المتوقع.. علي مستوي الحبكة الدرامية فيه مشكلة، يعني مسعود قدر يقت*ل أخوه ومعرفش يقت*ل مرات أخوه وكل القصة تخلص!! و عبد الجبار يعني مش هيقدر يخلص عليها بما انه راجل مجرم وساعتها كل حاجة تروح لأبنها والجد ساعتها هيبقي الوصي عليه، مش لاقي اي مبرر درامي يقنعني ان نادرة قوية ومحدش قادر عليها.
مفيش احداث كتيرة، مفيش احداث حصلت تخليك تفضل مشدود.
نادرة بتكلم دكتور الطب الشرعي علي انه شغال في المستشفي معاها مع ان ده تبع وزارة العدل أساسا وبعدين هتثبت ازاي من صور ان الرصاص هو نفس علامات الرصاص بتاع مسعود في العربية هو مفيش غير مسعود عندهمش نوع الطلقات. فيه استسهال ف حل بعض الاشكاليات.
أنا من اشد المعجبين بالفنانة نيللي كريم بس بصراحة ده أقل اداء اشوفه ليها..واللهجة مش مظبوطة خالص ????♂️
ليه البلد و بيوت الصعيد في الالفينات تبدو و كأنها بيوت من السبعينات والتمانينات، البيوت اتغيرت في اوائل الالفينات تقريبا وبقت حاجة تانيه.
انا عارف ان كل ده اتبني عشان المسلسل بس بصراحة الديكور مش علي المستوي المطلوب.
الحبكة الدارمية في المسلسل بصراحة ضعيفة انا وقفت فرجة من بعد الحلقة ال ١٣!
انا متفهم ان المسلسل بيناقش قضية الورث بالنسبة للبنات في الصعيد بس الدراما والصراع مش علي المستوي المطلوب.
المسلسل عن الصعيد بس محستش بالصعيد خالص..
فيه miscasting (سوء اختيار الممثلين) لشخصيات كتير لا داعي لذكرهم.
المخرج ماندو العدل مجتهد بس محتاج يبعد عن المؤلف مدحت العدل شوية هو وابراهيم عيسي و يشوف كتاب تانيين لانه ييجي منه بصراحة.
الحدوتة ثم الحدوتة هي أصل اي عمل فني غير كدة هيبقي مط و تطويل و فكرة غير مقنعه من الاساس.
زيزى فواد
