ماجد مفرح قلوب جميلة تروح لها.. وقلوب قاسية تتمنى بعدها..
زي ما في ناس يتفات لها بلاد في ناس يتراح لها بلاد
في ناس من كتر جمال قلوبهم بتبقي عايز تعمل اي حاجة عشان تبقي معاهم، تضحي بوقت ومجهود عشان تكون وياهم
لان الوقت والمجهود مش ضايع بالعكس انت بتعيش معاهم وقت
والوقت دا مليان حياة وفرحة من القلب عشان كدا يتروح لهم بلاد
لان مفيش تعب عشانهم الا وكان يستاهلوه .
جواهم طاقة حب وحنية تطبطب علي قلبك تهون اي حاجة وياهم بتحس انك كنت تايه ولقيت نفسك
الناس دي رزق
بس الحقيقة بقوا قليلين في عالمنا عشان كدا لازم يتراح لهم بلاد .
أما اللي يتفات لهم بلاد دول اللي قلوبهم مليانة قسوة متعرفش الرحمة
اللي عايشين جلادين لغيرهم وهم ملائكة بلا أخطاء عايشين يحاكموا اللي حواليهم
دول قلوب تتمنى بعدها وتفوت لهم البلاد ..
✍️ كتبت / يوستينا ألفى
