• 21 يونيو، 2024

رئيس التحرير

ناجي وليم

العقاب يخلق نوبات غضب للاطفال

العقاب يخلق نوبات غضب للاطفال

  1. عقاب اولادنا في مرحلة الطفولة والمراهقين .. موضوع مهم وحساس ..
    كثير من الاهل بيسألوا ازاي نعاقب أولادنا ؟؟هل تعلم ان العقاب .. بيقتل الاحساس بالذنب.
    احيانا مع العقاب بيحصل نوبات غضب شديدة للطفل .
    لانه بيشعر انه في حالة ظلم شديد من اهله .
    وده بيهد احساسه بالأمان.. اللي مسؤول عن توازنه النفسي .
    ويتحول الأب او الأم الى جلاد
    ومع الوقت الطفل يعتاد وجود الجلاد ويعتمد عليه .
    ويتحول إلى شحص تابع واعتمادي
    ويكبر يتعلم انه يتعلق بالأشخاص المؤذية
    وميعرفش يخرج من العلاقات المؤذية بسهولة .او يكبر يكون هو الجلاد .. الشخص المؤذي اللي بيتغذى على جلد وظلم الآخر..
    ويتعلم أن الحب والاذى .. عادي يأتوا مع بعض ..
    العقاب هو البذرة اللي هتخلق لنا علاقات مؤذية جديدة في المستقبل ..

    **** في سؤال كمان مهم جدا جدا ..
    ايه الدوافع اللي جعلت ابني يتصرف بالشكل ده ؟
    محتاج لأيه.. موجوع ولا خايف
    فكر في ابنك قبل ماتاخد اي اجراء
    شوف احتياجاته… وسددها
    لو خايف طمنه .
    لو موجوع طبطب عليه ووصل له انك متعاطف معاه وحاسس به
    قبل ما تفكر تعاقب….

    هو ايه الهدف من العقاب ؟!.. من وجهة نظر الكثيرين..
    الهدف انني اربي ابني كويس
    ويطلع انسان نافع لنفسه وللمجتمع
    انسان مسؤول وناجح ..
    جميل قوي .. تعالى نتعرف على فكر جديد
    بدل العقاب هتعامل بمبدأ تحمل العواقب .
    وازاي نحول العقاب إلى تحمل العواقب

    مبادئ تنفيذ اسلوب تحمل العواقب :
    – يكون في اتفاق مسبق ..
    لو عملت كذا هيترتب عليه كذا ..
    يعني في الآخر لو اخترت تعمل كذا يبقي هيحصل كذا وده اختيارك .
    بعلم الطفل ازاي يختار في حياته أزاى ياخد قرار بدون ما يكون الخوف هو المحرك للاختبار .

    – ان تكون العواقب من جنس العمل ..
    لو لعبت بالموبايل ومخلصتش ألواجب هاخد منك الموبيل لغاية ما تخلص الواجب..
    لو كسرت لعبتك مش هجيب لعبة زيها ثاني ..
    يتعلم الطفل الحكمة في التفكير والاختيار وان العواقب مترتبة على افعاله
    هيتعلم احترام الحدود والقوانين.

    – العواقب محدد ة بوقت او فعل ..
    لو اخذت الموبيل يبقي لازم احدد المدة او الفعل اللي بينتهى عنده سحب الموبيل ..
    لما تخلص الواجب مثلا او لمدة نصف ساعة ..
    يتعلم ان لكل شيء وقت وحجم ..
    وان في نهاية الوجع راحة .. وان في بدايات جديدة ممكن معاها نتعلم ..

    – لابد أن نتعامل باحترام ..
    اشرح الأول الاتفاق المسبق وأوضح انه اختيار الطفل واطلب منه ينفذ ..
    مينفعش اجي اخطف من ايده الموبيل .. واقوله بزعيق انا قلتلك
    عايزين نأكد الطفل انه كائن محترم .. علشان يحب نفسه ويحترمها
    ويتعامل بحب واحترام مغ الآخرين

    انتظرونى فى الحلقه المقبله اقدم لكم
    (مميزات اسلوب تحمل العقاب . )

    دمتم فى احسن حال . سعداء دائما
    عاقدين النيه الصافيه . لنفع اولادنا وبناتنا
    هدفنا نخرج للكون اجيال سعيده .
    مع تحيات :

  2. Silvana Mikhail
    Life & Family Coach

المقال السابق

حسين لبيب رئيس لنادى الزمالك وهشام نصر نائب للرئيس فى دورته الجديدة

المقال التالي

وزيرة التخطيط تبحث فرص الاستثمار مع اليابانيين

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *