nagi william سهام ميلاد تكتب
أطفال فلسطين تصرخ !!
أطفالنا بتصرخ كفاية
ليه بتخلوا بدايتنا نهاية
ليه بتخطف منى دنيتى
ليه خلتنى ذكرى لأسرتى
ليه سلبت منى حق الاختيار
وكسرت قلب أمى وقلبت حياتها مرار
هو أنا مش من حقى أعيش فى الدنيا
ألعب ذى كل الأطفال وأفرح واتهنا
ليه بتحكم عليا بالموت
يا اللى منزوع منك كل معانى الإنسانية
ونسيت الرحمة على قلبك تفوت
نفس أعرف أنت مين
يا اللى معندكش رحمة ولا دين
وبصرخ وبتصرخ كل الأطفال كفاية
عايزين بقى نكتب للشر نهاية
ونبتدى صفحة جديدة فيها أحلى كلام
يغنيها العالم كله اسمها انشودة الحب والسلام
ومش بس نغنيها وتبقى مجرد أغنية وكلام
أتمنى نعيش فيها والعالم كله يسوده السلام
