nagi william قصيده قولوا للمنافق كفاية
تأليف الشاعر جرجس عبد السيد
من ديوان أنا الإنسان
قولوا للمنافق كفاية نفاق
صدقني عمايلك مكشوفة
بتزرع كذب في ارض النفاق
و عمايلك سوداء ومغشوشة
ده اللي سامع كل كلامك
عارف كذبك جوه جوابك
مكتوب الغش فوق اعتابك
اساليبك اساليب ملفوفة
صدقنا عمايلك مكشوفة
تافه دايما في اسلوبك
اناني طبعك من جواك
مكروهة الريحه ف ورودك
بتخبي السم في قلبي هواك
هجاص وكلامك كله هجايص
هايص دايما مع الهايص
عمر ما تاخذ طبع الفارس
واطي حتى إن مين علاك
واناني في طبعك من جواك
وسط الرمل دافن راسك
كأن الناس مش شايفاك
ليه في الباطل دائما ماسك
ناس كثير عارفين خباياك
نفاق في الدنيا تغش تخبي
طب في الآخرة إزاي هتعدي
كفايه مقاوحة كفايه تحدي
إرجع توب إرضي مولاك
إرجع توب إرضي مولاك
- شكرا لكل الاصدقاء المتابعين ربنا يكفينا شر النفاق ويا رب الرسالة توصل
الشاعر والكاتب الصحفي جرجس عبد السيد
